الساعة 5:30 : تامر بيقول لمنى حتأخرينا عن الفيلم إنت وأخوكي
فردت منى : حاضر بلبس الإيشارب وحنزل على طول . منى ماما انا مش حتأخر والفيلم يخلص وحاجي على كول
ماما : خلي بالك من نفسك ومن أخوكي ومتتعشيش بره فاهمة يا منى . منى حاضر سلام . ونزلة هي وأخوها .
وراحوا يتفرجو على فيلم ظرف طارق
وهم بيتفجوا على أخر الفيلم سمعوا أحمد حلمي بيقول :
” إن أحببت شخص فأطلق سراحه فإن عاد إليك فهو ملك لك إلى الأبد وإن لم يعد فهو لم يكن ملك لك من البداية ”.
قصة قصيرة
لحظة من الماضي
يوسف الشريف بدور تامر
منــى زكـي
رجاء الجداوي : أم منى
تأليف
أحمد يســـري
وبعد يومين اشترت منى ( المصري اليوم ) وقرأت على أمها قصيدة :
بحبك مش حبخل عليــــــــك
بقلبي خدو ملك ليـــــــــــــك
دا يوم سعادتي يوم ما لقيك
تيجي وتقولي أنا ملك ليـــك
ورد عليك وأقــــــــــــــــولك
وأنا دايب فيـــــــــــــــــــــك
وتقول منى لرجاء : شفتي تامر كتبلي إيه حلوة اوي القصيدة مش كده؟ ، وتسألها أمها هو بشتغل شاعر اليومين دول ؟ منى :لأه طبعا دي هواية عند تامر من زمان هو بشتغل مهندس في الشركة اللي بشتغل فيها
وعلى فكرة تامر بيقبض مرتب ضعف اللي بخده .
وقبل ما منى تسيب أمها ندهت لها وقالت لمنى : في موضوع مهم عيزاكي فيه
أم منى : سيبي تامر . منى : مش فاهمة أسيبه أزاي ؟ أمها : يعني افسخي الخطوبة كفاية لحد كده ، أنا سيبتك تخطبيه وأنا مش موافقة . منى : بس هو زينا وابن ناس ومن عائلة كبيرة وبرضو زينا ، فيه إيه بقى ؟ ليه مش عيزاني أبقى فرحانة ؟ رجاء : ابن الجيران لسه راجع من الامارات وامه كلمتني عشان تخطبك وقولتلها لما ابنك يجي من ابوظبي. ويا الحب حاجة والجواز حاجة تانية تامر تحبيه ،تخطبيه أكتر من كده لأه وابن الجيران احنا عرفين طباعه وعارفة تربية .أنا خلصت اللي عندي عندك يومين تسيبي تامر وبعد أسبوعين يعني في العيد خطوبتك على ابن الجيران طيب انا حاعد مع تامر وحقوله انك مسافره ولازم تفسخي الخطوبة ولما نرجع تبقو تجوزوا على طول تمام كده ؟ منى : كل الكلام اللي بتقولي على عيني وراسي بس تامر لا مش حسيبه ابدا ومش حخليكي تعودي مع تامر . رجاء : خلاص اتصرفي انتي بس بسرعة ابن الجيران بيجي كل عيد نخطبك على الفطر ويسافر ونجوزك على الاضحى وتسافري معاه وخلص الكلام .
مكتب تامر :زميل تامر في الشغل : حلوة قوي القصيدة بتاعت شهر رمضان متقول هالنا . تامر : حاضر :
سبحان الله وبحمــــده
سبحان الله العظيــــــــم
الحمد لله كثيــــــــــــــرا
الحمد لله على كل شيء
والله أكبر كبيـــــــــــرا
والله أكبر ما حيينــــــــــــا
اللهم صلي على نبينــــــــا
اللهم صلي على هدينـــــــــا
صلى الله عليه وسلم
زمايل تامر : انما انت بتجيب وقت منين تتكتب فيه القصايد . تامر :دي تقريبا حكيتي مع الحياة وهي لحظة بسرح فيها وزي ما بيقولو بعيش اللحظة هههه .
وهو تامر في الشغل رن موبيلوا :أيوة يا منى ازيك ؟ ايه الاخبار ؟ مالو صوتك ؟ خير في مشكلة عندك في الشغل ، طيب طيب النهاردة في النادي بليل الساعة 8:30 أنا مستنيكي يا منى متتأخريش سلام .
في النادي ، تامر : يعني من ساعة ماجيتي يا منى النادي وانت بتأتأي
قوللي فيه إيه . منى : كفاية لحد كده ، إحنا لازم نسيب بعض
تامر : وده فجأة كده صحيتي من النوم لقيتي لازم نسيب بعض ،إحنا مخطوبين تقريبا من سنة إيه اللي حصل ده إنت لسه كنت مكلماني امبارح ومكنش فيه حاجة . فهميني يا حبيبتي .
منى :أصل في عريس جاني ومينفعش خطوبة على خطوبة فلازم أسيبك وافسخها ومينفعش اعصي كلام أمي . تامر : مامتك على عيني وراسي بس في الجواز .. منى :أرجوك ومتحولش تكلمني على خط ( اتصالات )
وقامة منى وهي بتعيط على الآخر
وتامر محتار مش عارف يعمل اية
تامر قعد اليومين دول يفكر لو ماتصلتش بعد يومين إيه الحل يا ترى هي بتتلكك عشان تشوف حبي ليها وحتيجي تكلمني وتعتذر.
وعدى أسبوع ومنى متصلتش فافتكر لحظة من الماضي جملة أسامة منير ” إن أحببت شخص ..........“ بس هو جرب يتصل بيها بس خاف متردش عليه وينكسر قلبه اكتر للمرة التانية .
تامر :
لحظة من الماضي
عشها قلبي عالفاضي
واحلمت حلم السنين
وبكيت على الماضي الأليم
وبقيت خايف للحنين
فافتكر عمري اللي مضى
ومينفعش اندم عالقضى
ده الحمد لله عاللي جرى
ومنى قاعدة تعيط وتقول : وايه معنى القصيدة اللي هو كتبها في المصري اليوم هو لو كان عايزني وبيحبني بجد كان حاول معايا مرة واتنين وتلاتة وكان جالي البيت كان سالني وتأكد من كلامي .. وافتكرت لحظة من الماضي جملة أسامة " ان احببت شخص ...... " و برده متصلتش . رجاء : هدي نفسك شوية يا منى كل انسان بيظهر معدنه الحقيقي وقت الشدة انتي اول ما قولتيلو نفسخ ما صدق شوفتي ازاي ، ابن الجيران بيحبك وانتو صغيرين انتي نسيتي لما كان بيجبلك الشوكلاته ووو..... ومنى قاعدة مركزة مع رجاء .
وبعد شهرين جاتلهم دعوة فرح , فرح زميلهم هم الاتنين في الشغل .
وتامر قاعد في الفرح ظهرت منى وكان مشفهاش من يوم الخناقة رغم انهم في الشغل بس كل واحد ليه مكتبه وشغلهم مش مترتب على بعضه ومحولوش يشوفوا بعض .
تامر بالصدفة وهو بياكل وقعت الشوكة لقى حاجة بتلمع في ايد منى دقق النظر لقاها دبله والمحبس بتاعه . قام على طول عشان يكلمها ويعتذر على اللي حصل وراح عندها .
وقفت وسلمت عليه وهي بتضحك وفرحانة عيونها ملاينة دموع وقالت : ازيك يا تامر ، عامل ايه ، وشافتو وهو بيبص على الدبلة بس على فكرة مش معنى اني لسه لبسه دبلتك والمحبس يبقى لسه مخطوبين انا لبساها عشان محدش يعد يقولي ليه سبتيه وليه .....وليه .....
واللي كنت حخطبه في العيد اللي فات مجاش من السفر وجي على العيد الكبير ان شاء الله .
منى :وانت اصلا لوكنت عايزني كنت حاولت بس انت ماسدقت وتسيني شكرا . شكرا على كل حاجة . شكرا على حبك لية ووعدك انك مش حتبسني في أي مشكلة . شكرا لانك محولتش تشوف حل في المشكلة اللي أنا فيها . ماما خلتني أخد اجازة من الشغل عشان مشوفكش وانت ولاهنا شكرا .شكرا على انك من حبك الشديد ليا مفكرتش تجيلي المكتب تشوفني ، شكرا لأنك مفكرتش تروح لماما أنك رافض فكرة فسخ الخطوبة .شكرا لأنك سبتني رغم ده كله والهم اللي أنا شيلاه . بس على فكرة لو انت عايز دبلتك والمحبس خدها دلوقتي معنديش مانع
تامر : مالك يا منى نزل اتهامات فيه . ما أنا برضه اتصدمت لما حبيبتي وخطيبتي تقولي نسيب بعض عشان عريس تاني ، اكيد قولتي لنفسك تامر عريس كويس احسن من مفيش ولما جه الأحسن رحت قيلالي شكرا كفاية لحد كده اهو جه الاحسن اللي هو ابن الجيران . أنا ضيعت وقت معكي ومش عايز منك حاجة .
منى : ارجوك افهمني صح والله ابدا انت حبيبي الاول والاخير بس كل ده مقابل رضا الام مقدرش ازعل امي وانا قولت لماما لو مجاش على العيد انا حجوز تامر وحيجي يتقدم تاني يوم العيد والله بكلم بجد .
تامر : مفروض دلوقتي انا ابقى فرحان هو انا لعبة في ايدك.
منى : متخفش انا بحبك وحتلاقي مني رد اول يوم العيد .
و يجيله جواب فاتمنى يكون من منى ويكون طريق جديد بدون مواجهة واعتذار ويكون بداية السعادة او بداية حياة جديدة من غير منى .وفتح تامر الجواب وقال :
حبيبي غاب بقالو ليالي
وانا قلبي داب وبيقول فينك ياغالي
فتحت الباب لقيت جاواااااااااب
ده بعتلي جواب
من بعد غياب
قريته في يوم
ماجالي نـــــــــــــوم
كتبلي كلام
كله غرام
بعتلي جواب .............من بعد غياب
من يوم ما قريته
انا قلبي داب
من يوم ما قريته
انا قلبي تاه
حبيبي ياعنيا
يا كل حاجة في الدنيا ديا
ارجع بقى اشتقلت عنيا
وأخيرا رجع وبعتلي جواب
بعتلي جواب .............من بعد غياب
الجواب | ايوة يا تامر انا منى : تحياتي وأشواقي إليك ابعت لك هذا الجواب لاعتذر عما بدر مني وهذه دعوة الفرح
فرحي على ابن الجيران
وعيزاك تحضره ضروري عشان اتاكد انك بقي بجد المره دي بره حياتي
تامر معقولة كان الوضع ممكن يتغير لو مكنتش سمعت كلام الفيلم يا ريتني كنت حاولت اتصل بيها .واصحح الوضع انا سبتها لامها تلعب في دماغها من نحيتي وتشككها في حبي ليها .
وقرر تامر انه يحضر الفرح عشلن يتأكد ان الموضوع انتها
النهاية
تأليف القصة والأشعار
أحمد يســــــــــــــري
Tuesday, October 12, 2010
