منذ ذلك التاريخ 1983 والارجنتين تعيش في ديمقراطية
فيلم بيحكي عن حدث سياسي جلل ومحاكمه مهمه جدا في تاريخ الارجنتين لمجلس فاسد وقاتل فايترى ايه للي بيحصل..
الفيلم تاريخي سياسي بدون اي تعقيدات . عرف يخلي المشاهد يعبش كانه أرجنتيني محب وخايف على بلده ، شاف وعاش مراره الحكم الفاسد .. بيسرد قصص واقعية مؤلمه حصلت مع معتلقين ، مع مختفيين ، بيكشف حجم الكارثة للي كان عايشها الشعب ..
تم كتابه القصة والاخراج والموسيقى بطريقة تعيشك جوا بيونيس ايرس نفسها .. مهما كان جنسك، لغتك، ديانتك ، لونك.. هتفهم للي حصل معاهم بشكل مفيش في ملل بل بالعكس هتبقى جزء من محاكمه..
طريقة العرض كانت جميله في جزء ان عرض مشاكل الي اتعرض ليها وكيل النيابة من تهديدات من تكوين فريق ثقة .. من خوفه على اسرته وخوف اسرته عليه ، ودعمه طول الوقت .. الفيلم بيظهر نفوذ المجلس برغم من انحلاله ...
بتأكيد بشكل لا إرادي بتشوف الفيلم على واقع الربيع العربي وما وصل اليه من محاكمات ، وتبدا تسال نفسك يا ترى اخر الفيلم هتبقى جزء من مسرحيات المحاكم ولا انتصار للشعب ..
حقبه تاريخية منعرفش عنها حاجة فجاة بتكون ظاهره وجلية قدامنا بكل تفاصيلها في ساعتين فقط وكمان تتعلق بيها ..
الفيلم 9/10
1.06.2023
